रुपन्देही । नेकपा एकीकृत समाजवादीका अध्यक्ष माधवकुमार नेपालले यहि असोज १४ गतेदेखि
जारी समाजवादी जागरण अभियानले जनता जगाएको बताउनु भएको छ ।
मेची-महाकाली समाजवादी जागरण अभियान २०८० को आठौ दिन आइतबार
भैरहवामा आयोजित आमसभालाई सम्बोधन गर्दै अध्यक्ष नेपालले जनताको जीवन सुधार गर्ने
संकल्प बोकेर अभियान सुरू गरिएको जानकारी दिनुभयो ।
त्यस्तै सभामा महासचिव घनश्याम भुसालले गरिबी र बेरोजगारी उन्मूलन
पार्टीको मुख्य कार्यभार रहेको बताउनु भयो । उहाँले जनताको अधिकारलाई
संविधानमा सुनिश्चित गरिएपनि मुख्य समस्याका रूपमा गरिबी रहेको बताउनु भयो ।
बेरोजगारी समस्या समाधान गरि सुशासन, समृद्विका लागि
समाजवादी जागरण अभियान सुरू गरिएको जानकारी दिनुभयो ।
महासचिव भुसालले मुलुक बर्बाद पार्न खोज्ने सबै शक्तिका विरूद्व
लड्ने बताउँदै अहिले धर्म र जातिका नाममा लडाएर बेरोजगारी र गरिबी उन्मूलनको
मुद्दालाई छायामा पार्ने प्रत्यत्न गरेको भन्दै त्यसलाई अभियानले चिर्ने दाबी
गर्नु भएको छ ।
जनसभाममा पार्टी उपमहासचिव डा.विजय पौडेल, रूपन्देहीका कार्यवाहक अध्यक्ष श्रीराम यादव, नेता
रामबहादुर बस्नेत, युवा सार्दुल मियालगायतले मन्तव्य राख्नु
भएको पार्टीका केन्द्रीय प्रचार विभाग सचिव प्रकाश खतिवडाले जानकारी दिनुभएको छ ।
0 Comments